स्थापना
यस विद्यालयको स्थापना वि.सं. २०३१ सालमा भएको हो। तत्कालीन चापाकोट मिडिल स्कुल (स्थापना २०२३) र श्री जीवनोदय प्राथमिक विद्यालय (स्थापना २०२५) एकीकरण भई यसको स्वरूप तयार भएको थियो।
नामाकरण
सहिद गंगालाल श्रेष्ठको नाममा नामाकरण गरिएको यस विद्यालयको स्थापनामा तत्कालीन सुन्तलीटार गाउँ पञ्चायतका प्रधानपञ्च रामभक्त भण्डारीको महत्वपूर्ण योगदान रहेको छ।
नेतृत्व
विद्यालयका प्रथम प्रधानाध्यापक कृष्णप्रसाद श्रेष्ठ हुनुहुन्थ्यो भने हाल गोपाल प्रसाद रेग्मीले प्रधानाध्यापकको रूपमा नेतृत्व सम्हाल्दै आउनुभएको छ।
उपलब्धि
यस विद्यालयबाट शिक्षा आर्जन गरेका विद्यार्थीहरूले विद्यावारिधि (PhD) गर्नुका साथै नेपाल सरकारको सचिव, चिकित्सक, इन्जिनियर र चार्टर एकाउन्टेन्ट जस्ता उच्च ओहोदामा पुगेर विद्यालयको गरिमा बढाएका छन्।
भौतिक अवस्था
हाल यस विद्यालयमा कक्षा १२ सम्म ६३० जना विद्यार्थी अध्ययनरत छन्। विद्यालयको स्वामित्वमा १८९ रोपनी जग्गा र ७ वटा भवनहरू रहेका छन्।